Pentaqonun gizli sənədlərini internetə sızdıran Teyşeyra günahını boynuna almır...
Teyşeyranın vəkilləri əmin edirlər ki, ABŞ sirlərini yayan gənc ölkənin təhlükəsizliyinə təhlükə yaratmır.
Poliqon xəbər verir ki, bu barədə CNN telekanalının mılumatında bildirilib.
Bu yaz Pentaqonun gizli hərbi sənədlərini sızdırmaqda ittiham olunan ABŞ Milli Qvardiyasının əsgəri Cek Teyşeyra ilk məhkəmə prosesində günahını etiraf etməkdən imtina edib.
Qeyd edək ki, 21 yaşlı Teyşeyra məxfi hərbi məlumatların qəsdən qanunsuz saxlanması və ötürülməsi ilə bağlı bir neçə maddə üzrə ittiham olunub. Onun “Discord” sosial şəbəkəsində Pentaqonun məxfi sənədlərini dərc etdiyi güman edilir. Sənədlərdə ABŞ-ın müttəfiqləri və düşmənləri, o cümlədən Ukraynadakı müharibə ilə bağlı vəziyyət haqqında ətraflı kəşfiyyat məlumatları var idi.
Prokurorların iddiasına görə Massaçusets Milli Qvardiya bölməsinin kəşfiyyat şöbəsində xidmət edən Teyşeyra məxfi məlumatları 2022-ci ilin dekabrında, sənədlərin şəkillərini isə 2023-cü ilin yanvarında dərc etməyə başlayıb.
Poliqon.info