Gəncədə sərnişin avtobusu aşıb

Gəncədə şəhərdaxili sərnişin avtobusu aşıb. 

"Report"un Qərb bürosunun məlumatına görə, hadisə şəhərin Alüminium Zavodu adlanan ərazisində qeydə alınıb.

Şəhərdə 23 nömrəli xətt üzrə hərəkət edən avtobus idarəetmədən çıxaraq yol kənarındakı xəndəyə aşıb. 

Hadisə nəticəsində sürücü Canpolad Abdullayev müxtəlif dərəcəli bədən xəsarətləri alıb. 

Qəza zamanı avtobusda sərnişinlər olsa da, xəsarət alan olmayıb. 

Faktla bağlı araşdırma aparılır.

pia.az