Rüşvət və korrupsiya qalmaqallarında adı ön sıralarda hallanan ali məktəblərdən biri olan Gəncə Dövlət Universitetində (GDU) son 5 ildə 3 dəfə rektor dəyişikliyi olsa da, bu təhsil ocağında yenə də vəziyyət acınacaqlı olaraq qalır
PİA.AZ xəbər verir ki, Qaynarinfo.az-a son vaxtlar universitet tələbələrindən daxil olan davamlı şikayətlər, habelə mediada dərc olunan saysız-hesabsız neqativ materiallar GDU-da durumun getdikcə daha da dərinləşdiyini göstərir.
GDU-da rüşvət cədvəli
Bir neçə gündür ki, GDU-nun bütün ixtisaslarında buraxılış kurslarının yaz imtahan sessiyası başlayıb. Verilən məlumatlarda bildirilir ki, rektor Yusif Yusibov "imtahan mövsümü" üçün xüsusi qiymət cədvəli hazırlayıb. Həmin cədvələ əsasən imtahanlardan 3 almaq istəyən tələbələr 50-60, 4 almaq istəyənlər 70-80, imtahanı əla qiymətlə bitirmək istəyənlər isə 100-120 manatdan keçməlidir.
Məlumat verən mənbələr bildirir ki, rektorun tapşırığı ilə dərslərini oxuyan və imtahanlardan biliyi hesabına keçməyə çalışan tələbələr rektorun tapşırığı ilə müəllimlər tərəfindən sıxışdırılır, imtahandan kəsilir və rüşvət verməyə məcbur edilir.
Rektor həmçinin dərsə gəlməyən tələbələr üçün də "qiymət cədvəli" hazırlayıb. Belə ki, dərsdən yayınan tələbələrdən hər "qayıb" üçün 10 manat tələb olunur.
Yusif Yusibov
Yusif Yusibovun qanunsuz əməlləri barədə tələbələr və valideynləri bu günə qədər dəfələrlə dövlət orqanlarına şikayət edib. Amma heç bir nətiəcəsi olmayıb. Çünki rektorun qardaşı Cavanşir Yusifov Maliyyə Nazirliyinin Dövlət Maliyyə Nəzarəti Xidmətinin rəisi kimi böyük bir vəzifəni tutur və onu bütün təhlükələrdən qoruya bilir.
Yusif Yusibovun 1 milyonluq rüşvət oyunu
Yeri gəlmişkən, Yusif Yusibovun Gəncə Dövlət Universitetində rüşvət ocağı yaratdığını, hətta müəllim və tələbələrin xüsusi cihazlarla dinlənildiyini iddia edən məlumatlı şəxs qeyd edir ki, onun gəlişindən sonra reallaşan 13 tenderin ümumi qiyməti 1 milyon manatdan artıq olub və həmin vəsaitin böyük bir hissəsi təyinatdankənar istiqamətlərə yönləndirilib:
"Həmin 13 tenderə ümumilikdə 1.016.915 manat sərf olunub. Bu məbləğin 625.514 manatı təmir, 90.977 manatı abadlıq, 76.700 manatı avadanlıq, 74.680 manatı inventar, 44.850 manatı mətbəə, 41.791 manatı dəftərxana, 37.900 manatı nəqliyyat vasitəsinin alınması, 24.503 manatı isə "sair xərclər"ə sərf olunub. Deyilənlərə görə, öncəki illər Gəncə Dövlət Universitetinin heç bir tenderini qazanmayan, yüksək çinli məmurlardan birinə aid olduğu deyilən "İnstal-Servis" MMC əsaslı təmir işlərini 527.049 manata görüb. 2015-ci ilin 6 ayı üzrə ali təhsil ocağında ümumi dəyəri 1.882.199 manat olan 15 satınalmaya dair məlumat var. Bu da əvvəli rektorun xərclədiyindən 10.68 dəfə çoxdur. Əvvəlki illərdə təkrar-təkrar təmir aparılmasına baxmayaraq, bu dəfə də 1.421.294 manatlıq təmir işi "İlqar-MR" MMC-yə həvalə olunub. Bu firmanın da adı şübhəli tenderlərin siyahısındadır. Ötən il üç dəfə, ümumilikdə 1.517.179 manat dəyərində təmir aparılıb, 25 min manata da layihə-smeta işləri görülüb. Bütün bunlar bir daha onu deməyə əsas verir ki, son illər ərzində Gəncə Dövlət Universitetinə ayrılan vəsaitlərin böyük bir hissəsi məhz tenderlər vasitəsilə yeyintiyə məruz qalıb".
pia.az
Digərxəbərlər
Populyar xəbərlər
