"Xalq artisti Səfurə İbrahimovadan 2-3 gündür ki, xəbər yox idi. Tənha yaşayan aktrisa nə çölə çıxır, nə də telefonuna zəng çatırdı. Tez-tez əlaqə saxlayırdıq, başım xəstəliyimə qarışdığından son günlər zəng etmək imkanı tapmırdım"
Bu sözləri Moderator.Az-a jurnalist Əli Novruzəliyev bildirib. O, aktrisanın qardaşı qızı ilə əlaqə saxladığını bildirib:
"Az öncə aktrisanın qardaşı qızı Könül xanımla əlaqə saxladım. Qonşularının FHN və polis əməkdaşlarına müraciətindən sonra onlar aktrisanın yaşadığı mənzilin qapısını açmağa müvəffəq olublar. Səfurə İbrahimova evində yıxılı vəziyyətdə tapılıb. Şükür Allaha ki, başqa bir hal baş verməyib" deyə bildirib. O xalq artistinin vəziyyətinin hal-hazırda yaxşı olduğunu bildirib.
pia.az