Fələstin hakimiyyəti İsrailin İordan çayının qərb sahilində genişmiqyaslı əməliyyat keçirəcəyini proqnozlaşdırır...
Poliqon xəbər verir ki, bunu “RİA Novosti” Agentliyinə müsahibəsində Fələstin lideri Mahmud Abbasın beynəlxalq əlaqələr üzrə xüsusi nümayəndəsi Riyad əl-Maliki deyib.
Maliki qeyd edib ki, İsrail qüvvələri artıq İordan çayının qərb sahilinə doğru irəliləyir və onun fikrincə, “genişmiqyaslı əməliyyat” tamamilə mümkündür.
“Biz bunu mütləq gözləyirik. Bu qorxuların təsdiqləndiyinin hər bir əlamətini görürük. Amma inanıram ki, belə bir vəziyyət baş verərsə, biz çox yaxşı hazırıq. Aydındır ki, xalqımız müqavimət göstərəcək, qalacaq və Fələstin torpağında öz varlığı üçün mübarizə aparmağa çalışacaq”, deyə əl-Maliki vurğulayıb.
Fələstin rəsmisi həmçinin əlavə edib ki, İordan çayının qərb sahilindəki şəhərlərə, kəndlərə və qaçqın düşərgələrinə hərbi müdaxilələrin sayı getdikcə artır.
Xatırladaq ki, BMT-nin Humanitar Məsələlər üzrə Koordinasiya Ofisi 2023-cü il oktyabrın 7-dən etibarən İordan çayının qərb sahilində İsrail tərəfindən sökülən fələstinlilərin evlərinin sayının iki dəfə artdığını bildirib.
Poliqon.info