Bu gün Rusiya prezidenti Vladimir Putin İrəvanda keçirilən Kollektiv Təhlükəsizlik Müqaviləsi Təşkilatının (KTMT) sammitidə iştirak etmək üçün Ermənistana gəlir. Lakin Yeravan sakinləri onun gəlişinə heç də sevincək deyillər…
“Ermənistan KTMT-dən çıxmalıdır, çünki təşkilat 2020-ci ilin payızında Dağlıq Qarabağda gedən müharibə zamanı ermənilərə kömək etmək üçün heç nə etməyib”.
PİA.az xəbər verir ki, bunu bu gün “Respublika” meydanında Putinin Ermənistana səfərinə etiraz edən İravan sakinləri bildiriblər.
Aksiya iştirakçılarının əllərində Ermənistan, ABŞ, Fransa və Ukrayna bayraqları, anti-Rusiya məzmunlu plakatlar olub. Rusiyaya qarşı müxalifət hərəkatının tərəfdarları “KTMT, get”, “Rusiya düşməndir”, “Azad, Müstəqil Ermənistan” şüarları səsləndiriblər.
“Respublika” meydanında Putinin Ermənistana səfərinə etiraz edən İravan sakinləri
Qeyd edək ki, bu gün, noyabrın 23-də İrəvanda Kollektiv Təhlükəsizlik Müqaviləsi Təşkilatının (KTMT) sammiti keçiriləcək və həmin sammitdə də Rusiya prezidenti Vladimir Putin də iştirak edəcək. Putinin İrəvana səfəri çərçivəsində Ermənistanın baş naziri Nikol Paşinyanla ayrıca görüş planlaşdırdığı bildirilib.
Erməni politoloqları isə Putinin İrəvana səfərinin məqsədi ilə bağlı mübahisə ediblər. Onlardan bəziləri Ermənistanın Rusiyasız mövcudlunun mümkün olmadığını, digər tərəf isə Ermənistanın məhz Rusiyanın təsir dairəsindən uzaqlaşdıqdan sonra müstəqil ola biləcəyini iddia edirlər.
pia.az
Digərxəbərlər
Populyar xəbərlər
