Türkiyə prezidenti Ərdoğanın G20 Sammitində verdiyi açıqlamalar Yunanıstan mətbuatında geniş müzakirələrə səbəb olub...
PİA.az “Hürriyet”ə istinadən xəbər verir ki, bu gün Yunanıstanın bütün qəzet və xəbər saytlarında əsas mövzu Türkiyə və Ərdoğan olub. “Kathimerini” qəzeti Ərdoğanın sözlərini “Türkiyədən yeni təhlükə” başlığı ilə oxuculara təqdim edib.
Prezident Ərdoğan İndoneziyanın Bali şəhərində keçirilən G20 Liderlər Zirvə toplantısından sonra mühüm açıqlamalar verib. Çıxışının bir hissəsini Yunanıstana həsr edən Ərdoğanın Afinaya verdiyi xəbərdarlıq gərginliyi artırıb.
Qeyd edək ki, Ərdoğanın “Bir gecə qəfil gələ bilərik, hər kəs həddini bilsin” sözləri daha əvvəl qısa müddətdə yunan mətbuatında gündəm olmuşdu.
Xəbərdə: “Rəcəb Tayyib Ərdoğan yeni açıqlamaları ilə Yunanıstana qarşı aqressiv ritorikasını qoruyur”, deyə bildirilir.
Həmçinin, məqalənin davamında: “Rəcəb Tayyib Ərdoğan yenə təxribatçı xarakterini ortaya qoydu”, deyə qeyd olunur.
“CNN Yunanıstan” telekanalı və “Proto Thema” kimi mətbuat orqanlarında da Ərdoğanın çıxışı ilə bağlı bənzər başlıqlarla xəbərlər yayımlanıb.
pia.az