Donetskdə mehmanxananın atəşə tutlması zamanı yaralanan “Roskosmos”un keçmiş rəhbəri Dmitri Roqozin Rostovda hospitala yerləşdirilib…
PİA.az xəbər verir ki, bu barədə RİA Novosti-yə Roqozinin köməkçisi məlumat verib.
“Dmitri Roqozin və Ukraynanın oteli atəşə tutmasının daha iki qurbanı Donetskdən Rostovdakı Hərbi Klinik Hospitala aparılıb. Hazırda müayinə aparılır və lazımi tibbi yardım göstərilir”, deyə köməkçi bildirib.
Roqozinin köməkçisi əlavə edib ki, daha bir neçə yaralı hərbi mütəxəssis Donetsk xəstəxanalarında müalicə alır. Onların vəziyyəti stabilləşib, lakin həkimlər daşınmağa icazə vermirlər.
Qeyd edək ki, dekabrın 21-də Dmitri Roqozin Donetskdə “Şeş-beş” restoran-mehmanxana kompleksində ad gününü qeyd edərkən mehmanxana Ukrayna ordusu tərəfindən atəşə tutulub. atəşə tutulub.
Roqozin baş, omba və budun yumşaq toxumalarından qəlpə yarası alıb.
pia.az