Çin öz ticarət üstünlüklərindən istifadə edərək yuanı ikitərəfli hesablaşmalarda inkişaf etdirir və ABŞ dollarının dünya dominanlığına meydan oxuyur...
Poliqon xarici mətbuata əsasən xəbər verir ki, bu barədə South China Morning Post qəzeti məlumat yayıb.
Nəşrə qeyd edib ki, Çinin ticarət naziri Qo Tintin bu yaxınlarda ÇXR və Braziliyanın ticarət hesablaşmalarında yuana keçmək barədə razılığa gəliblər. Nazir qida və mineral sahələrində ikitərəfli əməkdaşlığı genişləndirməyi planlaşdırdıqlarını da bildirib.
“Bu, Pekinin milli valyutanın gücünü artırmağa və dolların təsirindən uzaqlaşmağa çalışdığını göstərir. Pekinin ticarət və investisiyalarda ABŞ dollarının əvəzinə yuanda hesablaşmaq istəməsi, Çinin dollar aktivlərindən asılılığını azaltmaq və Vaşinqtonun maliyyə kəməndindən qurtarmaq üçün planlaşdırdığı bir çox yollardan biridir”, deyə nəşr yazıb.
Nəşr bildirib ki, bundan əlavə, Çin Yaxın Şərq ölkələri ilə xam neft ticarətində yuanın istifadəsi ilə bağlı lobbiçilik edir, eləcə də ASEAN ölkələri ilə milli valyutada ticarət əməliyyatlarını genişləndirməyə çalışır. Xüsusilə, bu günə qədər İndoneziya, Vyetnam və Kamboca ilə milli valyutalarda hesablaşmalar haqqında sazişlər imzalanıb.
Poliqon.info