Çin xarici konsaltinq işçisini Britaniyaya casusluqda ittiham edir

Poliqon bu barədə TASS-a istinadən xəbər verir.

Huanq soyadlı şübhəli adı açıqlanmayan bir məsləhətçi təşkilata rəhbərlik edib. Çin kəşfiyyatının məlumatına görə, o, 2015-ci ildə işə götürülüb, bundan sonra Böyük Britaniyanın MI6 kəşfiyyat təşkilatında peşəkar təlim keçib və kəşfiyyat məlumatlarını ötürmək üçün avadanlıq alıb.

Bildirilir ki, həmin şəxs Britaniya kəşfiyyatına doqquzdan çox məxfi məlumat dəstini və daha beş gizli kateqoriyanı təqdim edib.

Məsləhətçi şirkətin adı və şübhəlinin vətəndaşlığı barədə məlumat verilməsə də, onun saxlanılması və irəli sürülən ittihamlar barədə vətəndaşı olduğu ölkənin konsulluğuna məlumat verildiyi vurğulanıb.

Bundan əvvəl Çin kəşfiyyatı müdafiə şirkətinin əməkdaşını ABŞ-ın xeyrinə casusluqda ittiham etmişdi. Çin hakimiyyəti vətəndaşları casusluğa qarşı mübarizəyə görə mükafatlandırmaq qərarına gəlib.

Poliqon.info