Çin dünyanın ən dərin quyularından birini qazır: Məqsəd nədir?

Poliqon xarici mediaya istinadən xəbər verir ki, plana əsasən, 11 min 100 metr dərinlikdə ensiz şaxta qazılacaq, 10 kontinental təbəqədən keçərək yer qabığındakı Təbaşir sisteminə - 145 milyon il əvvələ aid qaya təbəqəsinə çatacaq. Çinin "Yerin dərin tədqiqində əhəmiyyətli bir mərhələ" adlandırdığı layihənin 457 günə tamamlanması planlaşdırılır.

Dərin quyu Çinə Yerin daxili quruluşunu və təkamülünü öyrənməyə imkan yaradacaq, həmçinin geoelmi tədqiqatlar üçün məlumat verəcək.

Qazma üçün istifadə olunan avadanlıq 2000 tondan artıq çəkiyə malikdir və yeraltı temperaturun 200 dərəcəyə qədər olması və yer səthindən 1300 dəfə yüksək olan atmosfer təzyiqi üçün nəzərdə tutulub. Qazma işlərini yerli iqlim şəraiti də çətinləşdirir. Belə ki, layihə ölkənin isti və quru səhrasında həyata keçirilir.

Hazırda ən dərin quyunun qazaldığı Çinin Sincan bölgəsi faydalı qazıntı və neft yataqları ilə zəngindir. Mayın əvvəlində Çinin ən böyük neft emalı zavodu olan "Sinopec" Tarim hövzəsində, səthin altında 8500 metrdən çox dərinlikdə yerləşən kəşfiyyat quyusunda əhəmiyyətli neft və qaz axını aşkar edib.

Poliqon.info