Cənubi Koreya silahlı qüvvələri Şimali Koreyanı HƏMAS-ı silahla təchiz etməkdə ittiham edib...
Poliqon The Telegraph qəzetinə istinadən xəbər verir ki, Pxenyan Cənubi Koreyaya qəfil hücum etmək üçün oxşar taktikalardan istifadə edə bilər.
Adının açıqlanmasını istəməyən Cənubi Koreya rəsmisi bildirib ki, HƏMAS-ın silah alveri, taktiki liderlik və təlim kimi müxtəlif sahələrdə birbaşa və ya dolayı yolla Şimali Koreya ilə əlaqəsi olduğu güman edilir. Yaraqlılar İsrailə hücum etməzdən əvvəl artilleriya, reaktiv yaylım atəşi sistemləri alıb və təlim keçiblər.
Şimali Koreya isə ittihamları rədd edərək, onları əsassız və yalan adlandırıb. Pxenyan iddia edir ki, bu tələb ABŞ-ın münaqişədə günahı özündən yayındırmaq cəhdinin bir hissəsidir.
Qeyd edilir ki, Cənubi Koreyanın gəldiyi qənaət HƏMAS-ın oktyabrın 7-də həyata keçirdiyi hücumların fotoşəkilləri və media videolarının hərbi təhlilinə əsaslanır. Belə ki, terrorçular F-7 reaktiv yaylım atəş sistemlərindən istifadə ediblər ki, bu da Şimali Koreyanın RPG-7 buraxılış qurğusunun başqa adıdır.
Şimali Koreya istehsalı olan 122 mm-lik çoxsaylı buraxılış raket sistemləri və artilleriya mərmilərindən də istifadə edilib. Onlar İsrail və Qəzzanın sərhədində tapılıb. Bununla belə, Pxenyan sərhədə havadan infiltrasiya həyata keçirmək üçün paraplanların istifadəsini də bəyan edib ki, bu da HƏMAS yaraqlılarının İsrailin gücləndirilmiş təhlükəsizlik tədbirlərindən yan keçmək üçün istifadə etdiyi taktikadır.
Təl-Əviv də HƏMAS-ın Şimali Koreya istehsalı olan silahlardan istifadə etdiyinə inanır. Həmin silahlar İranda saxlanıla və Tehran vasitəsi ilə HƏMAS-a ötürülə bilər.
Poliqon.info