Britaniya Putinin sözlərinə görə “Vaqner”i terrorçu təşkilat kimi tanınmağı təxirə salıb...
Britaniya hakimiyyəti “Vaqner” Özəl Hərbi Şirkətinin terrorçu təşkilatlar siyahısına salınması prosedurunu dayandırıb,
Poliqon xəbər verir ki,u barədə mənbələrə əsasən The Times qəzeti məlumat yayıb. Qəzetin yazdığına görə, bu, prezident Vladimir Putinin ÖHŞ-nin tam dövlət tərəfindən maliyyələşdirildiyi barədə dediyi sözlərlə bağlıdır.
Britaniya qəzetinin yazır ki, şirkətin “qara siyahı”ya salınmasının hüquqi əsasları artıq mürəkkəb idi, çünki bu, qrupun “Rusiya üçün hərbi qruplaşma” kimi fəaliyyət göstərməsinə əsaslanıb. Lakin üsyandan sonra Putin ÖHŞ-nin tam dövlət tərəfindən maliyyələşdirildiyini bildirdi. Belə ki, 2022-ci ilin may ayından 2023-cü ilin may ayına qədər ona təxminən 86,3 milyard rubl ödənilib və “Konkord” şirkətinin sahibi Yevgeni Priqojin bu müddət ərzində “Voentorq” vasitəsilə hərbçiləri ərzaqla təmin edərək 80 milyard rubl qazanıb. Prezident həmçinin məlumat verib ki, ÖHŞ-yə Müdafiə Nazirliyi ilə müqavilə bağlamaq imkanı verilib.
The Times-ın qeyd edib ki, əvvəllər “Vaqner” formal olaraq “özəl ordu” hesab olunurdu. İndi ÖHŞ-nin qara siyahıya salınması “Rusiya hökumətinin departamenti”nin fəaliyyətinə qadağa qoyulmasına bərabərdir. “Hökumət mənbələrinə görə, bu, çox qeyri-adi olardı və bir sıra diplomatik və hüquqi çətinliklərlə nəticələnərdi”, deyə qəzet yazır.
Poliqon.info