Braziliyanın cənubunda daşqınlar nəticəsində ölənlərin sayı 95-ə çatıb

Poliqon yerli “Metropoles” portalına istinadən xəbər veir ki, bunu Rio Grande do Sul əyalətinin qubernatoru Eduardo Leite bildirib. 159 min yerli sakin evlərini tərk etmək məcburiyyətində qalıb, ən azı 131 nəfər itkin düşmüş hesab olunur.

“95 ölüm... Rəqəmlər artır, lakin təəssüf ki, biz hələ də həyatlarını itirənlərlə bağlı məlumatların yüksək dərəcədə qeyri-dəqiqliyə malik olduğunu proqnozlaşdırırıq, çünki biz hələ də fövqəladə vəziyyətlə üzləşirik”, deyə Leite mətbuat konfransı zamanı deyib.

Qeyd edək ki, aprelin sonunda Braziliyanın Uruqvayla sərhədində yerləşən ən cənub əyaləti 1941-ci ildən bəri ən güclü yağıntıya məruz qalıb. Yağışlar səbəbindən Rio das Antas çayında bənd dağılıb, yaxınlıqdakı yaşayış məntəqələri su altında qalıb. Ümumilikdə, Rio Qrande do Sulot ştatında 497 bələdiyyədən 401-i tufan və daşqınlardan zərər çəkib. Səlahiyyətlilər təbii fəlakətin 1,5 milyona yaxın insanın zərər çəkdiyini təxmin edir.

Poliqon.info