“Vətən naminə Tavuş” erməni hərəkatının lideri Baqrat Qalstanyan ölkənin Daxili İşlər Nazirliyinin binası yaxınlığında keçirilən mitinqdə nazir Vahe Qazaryanla görüş tələb edib...
Poliqon xəbər verir ki, bu barədə “Sputnik Ermənistan” məlumat yayıb. Hazırda Qalstanyan və tərəfdarları nazirliyin yaxınlığında etiraz aksiyası keçirirlər.
“Mən insan kimi danışmaq üçün Vahe Qazaryana müraciət edirəm, ümid edirəm ki, o kişi kimi davranaraq mənimlə görüşəcək”, deyə “keşiş Baqrat deyib.
Daxili İşlər Nazirliyinin nümayəndələri etirazçılara nazirin planlaşdırdığı görüşlər olduğunu və müxalifətlə görüşə bilməyəcəyini bildiriblər.
Qeyd edək ki, bir müddətdir Ermənistanın müxtəlif şəhərlərində etiraz aksiyaları keçirilir. Onlara Erməni Apostol Kilsəsinin Tavuş yeparxiyasının rəhbəri və “Vətən adına Tavuş” hərəkatının lideri arxiyepiskop Baqrat Qalstanyan rəhbərlik edir. Keşiş Baqrat və tərəfdarları hökumət başçısı Nikol Paşinyanın istefasını tələb edirlər. Müxalifət bu vəzifəyə arxiyepiskopun namizədliyini irəli sürüb.
Poliqon.info