G7 ölkələri may ayı üçün Rusiyanın almaz sənayesinə qarşı yeni sanksiyalar hazırlayır…
G7 ölkələri çox güman ki, dünyada cilalanmamış almaz tədarükünün təxminən üçdə birini təşkil edən rus almaz mədənçisi “Alrosa”nın iri bir karatlıq almazlarına qarşı yeni sanksiyalar tətbiq edəcək.
Poliqon xəbər verir ki, bu barədə Hindistanın “The Economic Times” nəşri yerli sənaye liderlərinə istinadən məlumat yayıb. Qeyd edək ki, Hindistan almazın cilalanması üzrə dünyanın əsas mərkəzlərindən biridir.
“Müxtəlif mənbələrdən eşitdik ki, yeni sanksiyalar olacaq və onlar cilalanmamış böyük brilyantlara tətbiq edilərcək”, deyə Gem və Zərgərlik İxracının Təşviqi Şurasının sədri Vipul Şah ET-yə bildirib.
“Lakin, sanksiyaların hansı formada olacağı barədə heç bir fikrimiz yoxdur. Bu, Suratda eləcə də Sauraştra, Amreli və Bhavnaqarda almaz sənayesində çalışan işçilərin məşğulluğuna təsir edəcək”, deyə Vipul Şah əlavə edib.
Qəzet yazır ki, hazırda Hindistan cilalanmamış daşları ABŞ və digər G7 ölkələrinə ixrac etməkdə sərbəstdir, bir şərtlə ki, onlar Hindistan almaz cilalama sənayesində əhəmiyyətli dəyişikliklərə məruz qalsınlar.
Mənbələrin bildirdiyinə görə, “Böyük Yeddilik” ölkələri iyunun ilk həftəsində, Las-Veqasda zərgərlik sərgisi öncəsi, mayın 19-21-də Yaponiyada keçiriləcək görüş zamanı yeni sanksiyalar tətbiq edəcəklər.
Qəzet yazır ki, sanksiyalar qüvvəyə minən kimi Hindistanda almaz hasilatı sektorunda məşğulluqla bağlı qeyri-müəyyənlik yaranacaq.
Poliqon.info
Digərxəbərlər
Populyar xəbərlər
