Böyük Britaniya parlamentinin aşağı palatasına ümumi seçkilər 2024-cü ilin yazında keçirilə bilər...
Poliqon xəbər verir ki, bu barədə The Daily Telegraph nəşri məlumat yayıb.
Nəşrin yazdığına görə, Böyük Britaniya Xəzinədarlığının yüksək vəzifəli şəxsləri büdcə zərfinin həmişəki kimi martda deyil, fevralda təqdim edilməsi imkanlarını müzakirə edirlər.
Bu, yazda keçiriləcək parlament seçkilərinə hazırlıqdan xəbər verə bilər. Səsvermə 2025-ci ilin yanvarından gec olmayaraq keçirilməlidir. Baxmayaraq ki, əvvəllər media 2024-cü ilin oktyabr və ya noyabrına işarə edirdi.
Rəy sorğuları müxalifətdəki Leyboristlər Partiyasının qarşıdan gələn seçkilərdə favorit olduğunu göstərir. Respondentlərin təxminən 45%-i Leyboristlərə səs verməyə hazırdır. 13 ildir hakimiyyətdə olan Mühafizəkarlar Partiyası isə respondentlərin təxminən 24%-nin dəstəyini alır.
Poliqon.info