Xerson bölgəsi boşaldılır...
Ukraynanın Baş naziri Denis Şmiqal bildirib ki, işğalçılar tərəfindən Kaxovskaya su elektrik stansiyasının partlaması nəticəsində 80 yaşayış məntəqəsini su basması təhlükəsi yaranıb.
Poliqon xəbər verir ki, Ukraynanın Baş naziri bu barədə öz Telegram kanalında məlumat verib. Hazırda Xersonun Ostrov mikrorayonunda təxliyə tədbirləri aparılır. Əhalinin Nikolayevə evakuasiya üçün dəmir yolundan istifadə edilir.
Şmiqal onu da bildirib ki, Ukrayna prezidenti Vladimir Zelenski Milli Təhlükəsizlik və Müdafiə Şurasını çağırıb, daha sonra Yanacaq-energetika və Fövqəladə Hallar üzrə Dövlət Komissiyasının iclasları keçiriləcək. Eyni zamanda, Baş nazir qeyd edib ki, ətraf mühitə təsirini və Zaporojye Atom Elektrik Stansiyasına çıxışın olmaması səbəbindən təhlükəni qiymətləndirmək çətindir.
“Kaxovskaya SES-in dağıdılması Rusiya tərəfindən terror aktıdır və buna görə bütün məsuliyyəti Moskvanın üzərinə düşür. Su Elektrik Stansiyasının dağıdılması dövlətimizin cənubu üçün ekoloji fəlakətləR doğurur. Dünya cavab verməlidir. Dərhal. Ancaq sözlər deyil, hərəkətlər lazımdır. Rusiya növbəti fəlakətin qarşısını almaq üçün Zaporojjya Atom Elektrik Stansiyasından dərhal çıxmalıdır”, deyəUkraynanın Baş nazirİ müraciətində qeyd edir.
Poliqon.info