Bakı Limanı ötən ilin sonunda Çində aşkar edilmiş koronavirus (2019-nCoV) epidemiyasından qorunmaq məqsədi ilə gücləndirilmiş rejimində dezinfeksiya tədbirlərinə başlayıb...
Bu barədə “Bakı Beynəlxalq Dəniz Ticarət Limanı” QSC açıqlama yayıb.
Bildirilir ki, sərnişinlərin və yüklərin daxil olma məntəqəsində, Bakı Limanının inzibatı binaları (həm Bakıda, həm də Ələt qəsəbəsində yerləşən), bütün terminallar və anbarlarda dezinfeksiya tədbirləri həyata keçirlir. Liman ərazisində daxil olan sərnişinlər və yüklər mütləq şəkildə xüsusi stasionar və mobil avadanlıq vasitəsi ilə yoxlanılır və yalnız yoxlanışdan sonra Liman ərazisinə buraxılışlarına icazə verilir. Limanda daimi olaraq təcili tibbi yardım avtomobili və briqadası da növbə çəkir.
Qabaqlayıcı tədbirlərin görülməsi və məlumatlandırma məqsədilə (055) 450 78 84 nömrəli qaynar xətt fəaliyyət göstərir.
pia.az