Avropada qazın qiyməti min kubmetr üçün 360 dollardan aşağı düşüb

Poliqon xarici mətbuata əsasən xəbər verir ki, Avropada qazın birja qiymətləri ötən ilin sonundan ucuzlaşır. Xəbərdə bildirilir ki, Avropa Birjasında qazın qiyməti Avropa İttifaqının yeraltı qaz anbarlarındakı kifayət qədər ehtiyatlar, eləcə də havaların isti və küləkli olması və təbii qaz istehlakını xeyli azaldan qənaət tədbirləri səbəbindən ucuzlaşıb.

Qeyd edək ki, Avropa bazarında qazın qiyməti 2021-ci ilin yazında əhəmiyyətli dərəcədə artıb. Sonra kotirovkalar min kubmetr üçün 250-300 dollar diapazonunda dəyişib, yayın sonunda 600 dolları, payızda isə artıq min dolları keçib. 2021-2022-ci illərin qışında qiymətlər hər min kubmetr üçün 2000 dollar həddini keçib, yazın əvvəlində isə Rusiyanın enerji resurslarının idxalına qadağa qoyulması qorxusu səbəbindən min kubmetr üçün 3892 dollarla rekord həddə çatıb.

Poliqon.info