Avropa İttifaqı Ukraynada hərbi əməliyyatların başlanmasının ikinci ildönümü üçün hazırlanan yeni sanksiyalar paketinin bir hissəsi olaraq təxminən 55 Rusiya şirkəti və 60-dan çox fiziki şəxsə məhdudiyyətlər tətbiq etməyi təklif edib...
Poliqon xəbər verir ki, bu barədə Bloomberg Agentliyi əldə etdiyi sənədə əsasən məlumat yayıb.
Sənədə əsasən, silah istehsalı və Rusiya müdafiə sənayesində istifadə olunan texnologiyalar və elektronikanın tədarükü ilə məşğul olan şirkətlərə və fiziki şəxslərə məhdudiyyətlər qoyulacaq. Sanksiyalar gəmiçilik şirkətlərinə də təsir edəcək.
Bloomberg yazır ki, Tula vilayətinin qubernatoru Aleksey Dyumin, eləcə də bir neçə hərbi məmur və şirkət direktorları məhdudiyyətlərə məruz qalacaqlar. Agentlik qeyd edir ki, siyahı təsdiq zamanı dəyişə bilər.
Poliqon.info