İran və Rusiya arasında müdafiə sahəsində əməkdaşlıq dərinləşir. Bunun bariz sübutu Tehranın Moskvaya tədarükünü davam etdirdiyi pilotsuz təyyarələrdir...
Poliqon "Amerikanın Səsi" radiostansiyasına istinadən xəbər verir ki, bunu ABŞ Milli Təhlükəsizlik Şurasının nümayəndəsi Con Kirbi brifinqdə Vladimir Putinin iranlı həmkarı İbrahim Rəisi ilə görüşünü şərh edərkən deyib.
Qeyd olunur ki, Rusiya Federasiyası ilə İranın müdafiə sahəsində əməkdaşlıqda yaxınlaşması uzun aylar əvvəldən qeydə alınıb. Hər iki ölkə hərbi potensialın bu artımından qazanc əldə etməyə çalışır.
"Bunun bariz sübutu İranın Rusiyaya təqdim etdiyi pilotsuz təyyarələrdir. İndi də onlar Moskvaya Rusiya torpaqlarında istehsal müəssisələri yaratmaqda kömək edirlər ki, o, ukraynalılara və Ukrayna infrastrukturuna hücumda davam edən İran pilotsuz təyyarələrinin modellərini istehsal edə bilsin", deyə Kirbi vurğulayıb.
Kirbi qeyd edib ki, ABŞ-ın İranın bu tərəfdaşlıqdan "müasir Rusiya hərbi aktivləri, hücum helikopterləri, ola bilsin ki, sabit qanadlı təyyarələr, qanadlı raketlər və yaxud ballistik raketlər" istədiyini düşünməyə əsasları var.
"Mən deyə bilmərəm ki, biz bu cür müdafiə vasitələrinin hərəkətinə dair real sübutlar görürük. Lakin bu iki ölkə arasında müdafiə əlaqələri aydın şəkildə dərinləşir", deyə Ağ Ev rəsmisi bildirib.
Eyni zamanda, ABŞ Milli Təhlükəsizlik Şurasının nümayəndəsi qeyd edib ki, bu cür əməkdaşlıq təkcə Ukrayna üçün deyil, həm də Yaxın Şərq sakinləri üçün təhlükə yaradır. İranın əldə etdiyi imkanlar onun sabitliyi pozan fəaliyyətini daha da artırır.
Poliqon.info
Digərxəbərlər
Populyar xəbərlər
