Böyük Britaniyanın müdafiə naziri Ben Uolles NATO-nun baş katibi postunda Yens Stoltenberqi əvəz etmək fikrində olmadığını bildirib...
Poliqon xəbər verir ki, Britaniya müdafiə naziri bu barədə The Economist qəzetinə müsahibəsində bildirib. Onun sözlərinə görə, ABŞ cənab Stoltenberqin postunda qalmasını istəyir.
“Bu baş verməyəcək. ABŞ Stoltenberqin qalmasını istəyir”, deyə Ben Uolles bildirib. Nəşr qeyd edir ki, cənab Uolles Yens Stoltenberqin postunu tutmağa ümid edirdi. Lakin Rişi Sunakın Vaşinqtona səfəri zamanı AĞ Ev ən az bir il müddətində Yebs Sttoltenberqin vəzifəsində qalmasını istəyir.
Ben Uolles əlavə edib ki, ABŞ daha çox “Baş nazir postunu tutan siyasətçilərdən birinin “Baş katib postuna namizəd lazım olmasını” istəyir. Qəzetin yazdığına görə, çox güman ki, Vaşinqton Hollandiyanın baş naziri Mark Ruttenin baş katib olmasını istərdi, lakin o, artıq iki dəfə bundan imtina edib.
“Stoltenberqin varisi həm Fransa prezidenti Emmanuel Makron, həm də ABŞ prezidenti Co Baydenə uyğun gəlməlidir”, deyə Ben Uolles vurğulayıb.
Xatırladaq ki, Yens Stoltenberq 2014-cü ildən NATO-ya rəhbərlik edir. O, 2022-ci ilin oktyabrında getməli idi, lakin alyans onun səlahiyyət müddətini 2023-cü ilin sentyabrına qədər uzadıb. Bloomberg iyun ayında bildirmişdi ki, NATO ölkələri Stoltenberqdən daha bir il vəzifədə qalmağı xahiş edirlər.
Poliqon.info
Digərxəbərlər
Populyar xəbərlər
