Konqresmen Makkal ABŞ-ın Çinlə rəqabəti ilə bağlı xüsusi iclas keçirəcəyini açıqlayıb...
Poliqon.info Ria Novosti Agentliyinə istinadən xəbər verir ki, bu barədə komitənin rəhbəri Maykl Makkol bildirib. Məlumatda bildirilir ki, ABŞ Nümayəndələr Palatasının Xarici Əlaqələr Komitəsi Çinlə rəqabəti ilə bağlı dinləmələr keçirəcək.
Agentliyin bəyanatına görə, dinləmələr fevralın 28-də keçiriləcək və “Çin Kommunist Partiyasının nəsillərə qoyduğu problemlərlə mübarizə” mövzusunda çıxış edənlərin siyahısına Dövlət Departamentinin, Maliyyə Nazirliyinin və digər idarələrin yüksək vəzifəli nümayəndələri daxildir.
Xatırladaq ki, ABŞ-ın şimal hissəsi üzərində Çin kəşfiyyat hava şarının peyda olmasından sonra iki ölkə arasında münasibətlər daha da mürəkkəbləşib. Vaşinqton şarın kəşfiyyat çəkilişləri apardığını iddia etsə də, Pekin bunun mülki hava şarı olduğunu israr edir.
ABŞ Ticarət Departamenti yaranmış vəziyyətə cavab olaraq, Çinin aerokosmik sənayesinə, o cümlədən hava şarlarının yaradılması üçün işlədiyinə inandığı altı Çin hüquqi şəxsini qara siyahıya salıb. Pekin əks tədbirlər görəcəyini vəd edib.
Poliqon.info