2022-ci ilin dekabrında ABŞ-da illik inflyasiya bir ay əvvəlki 7,1%-dən 6,5%-ə enib və aylıq əsasda ötən ilin son ayında istehlak qiymətləri 0,1% ucuzlaşıb…
2022-ci ilin dekabr ayının sonunda ABŞ-da inflyasiya noyabrda olan 7,1 faizlə müqayisədə illik ifadədə 6,5 faiz təşkil edib.
PİA.az xəbər verir ki, bu barədə ABŞ Əmək Departamentinin məlumatında bildirilir. Qeyd olunur ki, bu, inflyasiyanın 6,2% olduğu 2021-ci ilin oktyabrından bəri minimum göstəricidir. O da bildirilir ki, aylıq əsasda ötən ilin son ayında istehlak qiymətləri 0,1% ucuzlaşıb.
Bundan başqa ərzaq və enerji qiymətləri istisna olmaqla, ölkədə baza inflyasiyası dekabrda illik ifadədə azalaraq noyabrdakı 6%-dən 5,7%-ə enib. Aylıq olaraq, bir ay əvvəl 0.2% ilə müqayisədə 0.3% sürətləndi.
ABŞ-da inflyasiya ilə bağlı məlumatların dərcindən sonra ABŞ fond indekslərində azalma müşahidə olunub. Bu göstəricilər fonunda dollar avro və yen qarşısında ucuzlaşıb.
Beynəlxalq Valyuta Fondunun (BVF) idarəedici direktoru Kristalina Georgiyeva bildirib ki, qlobal iqtisadiyyat indi tədricən bərpa mərhələsinə qədəm qoyur, artım 2024-cü ildən sürətlənməyə başlayacaq. Eyni zamanda, o, 2023-cü ilin “çətin” ola biləcəyi barədə xəbərdarlıq edib.
pia.az