Şəhriyar Elmuğan (Şəhriyar Azər oğlu Şirinov) 25 sentyabr 2003-cü ildə Hacıqabul rayon Muğan qəsəbəsində anadan olub. ADPU-nun Şamaxı filialının tələbəsidir, dil-ədəbiyyat müəllimliyi ixtisası üzrə təhsil alır...
Lütfi-Xudasan mənə, ilham pərim,
Ruhi qidasan mənə, ilham pərim.
Min kərə həmd olsun uca Xaliqə,
Ondan ətasan mənə, ilham pərim.
Zənn edirəm özgə bir aləmdəyəm,
Zövqü-səfasan mənə, ilham pərim.
Sövq eliyirsən məni söz yazmağa,
Qeybi sədasan mənə, ilham pərim.
Heç nə bu aləmdə sənə tay deyil,
Dürri bəhasan mənə, ilham pərim.
Elmuğan, aləmdə nə dərdim ola,
Bilki şifasan mənə, ilham pərim.
Poliqon.info