"Amazon" texnologiya korporasiyası "Project Kuiper"in bir hissəsi olaraq orbitdə məlumat ötürmək və internetə çıxışı təmin etmək üçün lazerlərdən istifadə edən peyk şəbəkəsi yerləşdirməyi planlaşdırır...
Poliqon xəbər verir ki, bu barədə şirkətin rəsmi saytı məlumat yayıb.
"Project Kuiper" peykləri bir-biri ilə əlaqə saxlamaq üçün infraqırmızı lazerlərdən istifadə edir. Hər bir cihaz şəbəkənin etibarlılığını artıran çarpaz rabitə kanallarının yaradılmasına imkan verən bir neçə optik terminalla təchiz edilib.
"Amazon" ümumilikdə 3236 cihaz buraxmaq niyyətindədir. Texnologiya hətta yerüstü baza stansiyalarının yerləşdirilməsi mümkün olmayan okeanın ortasında da işləyəcək.
Şirkət qeyd edir ki, "KuiperSat-1" və "KuiperSat-2" peyklərinin prototipləri bütün sınaq müddəti ərzində təxminən 1000 kilometr məsafəyə saniyədə 100 giqabit sürətlə məlumat ötürüb.
"İşıq kosmosda optik lifdən daha sürətli yayılır, yəni "Kuiper" orbital lazer şəbəkəsi məlumatları yerüstü fiber optik kabellər üzərindən ekvivalent məsafəni qət etməkdən təxminən 30% daha sürətli ötürə bilər", deyə "Amazon" bildirib.
Şirkət "Kuiper" şəbəkəsinin sınaqlarına 2024-cü ilin ikinci yarısında başlamağı planlaşdırır.
Poliqon.info
Digərxəbərlər
Populyar xəbərlər
