ABŞ-ın terrorizmə qarşı müharibəsinin qurbanlarının sayının 4,6 milyon nəfər olduğu bildirilir...
11 sentyabr 2001-ci ildən bəri ABŞ-ın terrora qarşı müharibəsində ölənlərin sayı 4,6 milyon olub.
Poliqon xəbər verir ki, bu barətə The Washington Post Braun Universitetinin araşdırmasına istinadən məlumat yayıb.
“2001-ci il sentyabrın 11-dən sonra ABŞ-ın terrorizmə qarşı qlobal müharibəsinin qurbanlarının ümumi sayı 4,5-4,6 milyon nəfər arasındadır”, deyə nəşr yazır.
Hesabatda qeyd edilir ki, Əfqanıstan, Pakistan, İraq, Suriya, Liviya, Somali və Yəməndəki münaqişələrdə terrora qarşı müharibə nəticəsində ölənlərin minimum sayını hesablamaq çətindir, çünki nəticələr “o qədər geniş və mürəkkəbdir” ki, onlarını dəqiq sayını öyrənmək imkansızdır.
Araşdırmaya görə ölənlərin sayının 4,5 ilə 4,6 milyon arasında olduğu güman edilir. Onlardan 3,6-3,7 milyon insanın iqtisadi, ekoloji, psixoloji və sağlamlıq vəziyyətinin pisləşməsi nəticəsində yaranan dolayı səbəblərdən öldüyü təxmin edilir.
Poliqon.info