Ukrayna xarici işlər naziri Dmitro Kuleba Qərb ölkələrini siyasi iradə göstərməyə çağırıb...
“Report” xəbər verir ki, o, bu barədə “Röyters”ə müsahibəsində deyib.
D.Kuleba söyləyib ki, Qərb ölkələri hələ də Ukraynaya kifayət qədər hava hücumundan müdafiə sistemi ötürməyib: “Vəziyyəti dəyişmək üçün siyasi iradə lazımdır. Bizə müəyyən qədər havadan müdafiə sistemləri verilib. Biz buna görə tərəfdaşlarımıza təşəkkür edirik. Lakin bu, kifayət deyil”.
Nazirin sözlərinə görə, Ukraynaya dəstəyin gücləndirilməsi sadəcə siyasi iradə məsələsidir: “Qərar vermək lazımdır. Ukrayna qalib gəlməsə, onda müharibə Avropa ərazisinə keçə bilər. Mən heç nəyi şişirtmirəm”.
Xatırladaq ki, Rusiya ilə Ukrayna arasında müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl bildirib ki, Qərb dəstəyi dayandırsa, ölkəsi geri çəkiləcək. ABŞ hələ ki Ukraynaya yardımı dayandırıb. Bundan əvvəl xarici KİV-lər yazmışdı ki, ABŞ Ukraynadan hücumdan müdafiə strategiyasına keçməyi tələb edir.
ABŞ dövlət katibi Antoni Blinken daha əvvəl Ukraynanın çətin vəziyyətdə olduğunu açıqlayıb. Türkiyənin xarici işlər naziri Hakan Fidan isə bildirib ki, Rusiya ilə Ukrayna arasında sülhün vaxtı çatıb. V.Zelenski daha əvvəl qeyd edib ki, atəşkəs həm Ukrayna, həm də Şərqi Avropa üçün ciddi təhlükə yaradacaq. NATO hərbi komitəsinin rəhbəri, admiral Rob Bauer bundan əvvəl Rusiya ilə müharibəyə hazır olduqlarını söyləyib. Kreml sözçüsü Dmitri Peskov daha əvvəl Rusiyanın de-fakto müharibə şəraitində olduğunu bildirib. V.Zelenski daha əvvəl Rusiyanın əks-hücum əməliyyatlarına hazırlanacağı barədə xəbərdarlıq edib. Ukrayna Prezident Ofisinin müşaviri Mixaylo Podolyak daha əvvəl bildirib ki, müharibənin yalnız hərbi yolla həlli var.
Poliqon.info
Digərxəbərlər
Populyar xəbərlər
