Ukrayna ordusunda ağır yaralı əsgərlərin sayı son həftələrdə 30% artıb

Poliqon xəbər verir ki. bu barədə Amerikanın ABC News telekanalı ukraynalı həkimlərə istinadən məlumat yayıb. Həkimlərin fikrincə, ağır yaralanan hərbçilərin sayının artması bütün cəbhə xətti boyunca artilleriya atəşinin və pilotsuz təyyarələrin zərbələrinin artması ilə bağlıdır.

“Döyüş meydanından bir neçə saat aralıda yerləşən xəstəxanamız hər gün 40-dan yüzə qədər ağır yaralı hərbi qulluqçu qəbul edir. Komandam bir gündə təxminən 50-100 cərrahi əməliyyat həyata keçirir. Bu prosedurların bir çoxu amputasiyalardır”, deyə xəstəxananın baş həkimi ABC News-a bildirib.

Telekanal digər həkimlərin hesablamalarına istinadən qeyd edib ki, ayda 30 minə yaxın ukraynalı əsgər ölür və ya ağır yaralanır.

Poliqon.info