Adı açıqlanmayan ABŞ rəsmiləri bu yaxınlarda hesabat yayaraq 70 000-ə qədər ukraynalı əsgərin öldürüldüyünü, daha 120 000-nin yaralandığını, BMT isə 9 177 mülki vətəndaşın öldüyünü qeyd ediblər...
Poliqon xəbər verir ki, bu barədə BBC-nin məlumatında bildirilir. Nəşr yazır ki, hesabat həmçinin cənubda ilkin olaraq daha çox itki ilə müşaiyət olunan əks-hücumdan sonra Ukrayna qüvvələrinin taktikasının dəyişməsi və bunun ölü və yaralıların sayına necə təsir etdiyi vurğulanır.
Hesabatda ukraynalıların mübarizəni davam etdirmək əzmi və istəyi də vurğulanır.
Ukrayna müdafiə nazirinin müavini Anna Malyar bildirib ki, itkilər haqqında məlumatların dərci cinayət təqibinə səbəb ola bilər, çünki bu, düşmənə Kiyevin strategiyalarını hesablamaq imkanı verəcək.
Münaqişənin təsiri təkcə itki saylarında deyil, həm də bütün Ukraynada ailələrə, o cümlədən cəbhə xəttindəki əsgər və komandirlərə dərin emosional təsirdə özünü göstərir. Onlardan biri, “Lermontov” kod adı ilə tanınan batalyon komandirinin müavini BBC-yə müharibənin uzunmüddətli olacağını proqnozlaşdırıb. O qeyd edib ki, Ukrayna əsgərləri çox çətin şəraitdə fəaliyyət göstərirlər.
Polioqn.info