ABŞ hökuməti 2030-cu ilə kimi günəş enerjisinin bir kilovatının qiymətini orta hesabla 2 sentə endirmək niyyətindədir. Əvvəlki planda hədəf 3 sent idi. İndi hökumət hesab edir ki, 3 sent hədəfinə 5 il tez – 2025-ci ildə çatacaq.
Hazırda ABŞ-da günəş enerjisinin bir kilovatı əvvəl gözləndiyi kimi 6 sentə yox, 4,6 sentə başa gəlir. Bu, orta göstəricidir. Məsələn, 2030-cu ilə Kaliforniya ştatı üçün 1,6 sent, Vaşinqton ştatı üçün 2,6 sent hədəfi qoyulub.
Göründüyü kimi, 2030-cu ildə ABŞ-da günəş enerjisinin maya dəyəri bizim pulla 3,4 qəpik olacaq. Azərbaycanda elektrik enerjisinin kilovatı 7-11 satılır və gələcəkdə qiymət artımı istisna olunmur. Dünya isə bərpa olunan enerjiyə tam keçid yoluna çıxıb. 2019-cu ildə günəş və küləyin ümumi enerji mənbələrində payı 8,15% olub. 600-dən çox şəhər bərpa olunan enerjiyə keçid öhdəliyi götürüb. Təkcə 2020-ci ildə bu prosesə 260 şəhər qoşulub.
Bərpa olunan enerjiyə keçid tempinin getdikcə sürətlənməsi diqqət çəkir. Maya dəyəri isə ucuzlaşır. İnsanlar enerji tələbatını avtonom şəkildə quraraq artıq enerjini dövlətə satmaq imkanı qazanırlar. Məsələn, Almaniyada 300 min evdə alternativ enerji qurğusu quraşdırılıb və onların sayı getdikcə artır. Günəşli Azərbaycanda və küləkli Bakıda isə belə təşəbbüslər hələ ləng gedir.
Samir Əliyev - İqtisadçı
pia.az
Digərxəbərlər
Populyar xəbərlər
