Qəzzada öldürülən uşaqların sayı bir il ərzində dünyada gedən müharibələrdə öldürülən uşaqların sayından çoxdur...
Poliqon xəvbər verir ki, “Save the Children” beynəlxalq xeyriyyə təşkilatının məlumatına görə, üç həftəlik müharibə zamanı Qəzza zolağında öldürülən uşaqların sayı 3195 nəfər olub.
Təşkilat qeyd edir ki, bu, 2019-2022-ci illər arasında bir il ərzində dünya üzrə müharibələrdə həlak olan uşaqların sayından çoxdur. Söhbət 20-dən çox ölkədə silahlı münaqişələrdən gedir.
Bundan başqa 33 uşaq İordan çayının qərb sahilində, 29-u isə İsraildə öldürülüb. Ölən uşaqların ümumi sayı 3195 nəfərdir. Qəzzada 1000-ə yaxın uşaq itkin düşdüyündən bu sayın artacağı gözlənilir.
Qəzzada ən azı 6360, İordan çayının qərb sahilində 180, İsraildə isə 74 uşaq yaralanıb. Qəzza zolağında 200-dən çox insan, o cümlədən uşaqlar girov olaraq qalır.
“Save the Children” bildirir ki, uşaqların xəsarətdən ölmə riski həmişəkindən daha yüksəkdir.
BMT-nin məlumatına görə, Qəzza zolağında xəstəxanaların üçdə biri elektrik enerjisi çatışmazlığı və İsrailin tam blokadası səbəbindən işləmir. Sərhədsiz Həkimlər təşkilatı bildirir ki, uşaqların anesteziyasız əzalarını amputasiya etməlidirlər.
“Save the Children” hesab edir ki, İsrailin quru əməliyyatının genişləndirilməsi itkilərin, o cümlədən uşaqlar arasında da artıma səbəb olacaq.
Poliqon.info
Digərxəbərlər
Populyar xəbərlər
