Türkiyədə zəlzələlərdən sonra 188 inşaatçı və podratçı həbs edilib

Poliqon.info Türkiyənin Hürriyet qəzetinə istinadən xəbər verir ki, həbs olunanlar əsasən inşaatçılar və podratçılardır. Qeyd edilir ki, çökmüş və ya qismən zədələnmiş obyektlərlə bağlı aparılan araşdırmalardan sonra 626 şübhəlinin şəxsiyyəti müəyyən edilib.

188 şübhəli həbs olunsa da, 218-i sərbəst buraxılıb.

Qeyd edək ki, fevralın 6-da baş verən zəlzələlər nəticəsində 173 min bina dağılıb və ya ciddi zədələnib. Mütəxəssislər deyirlər ki, onların bir çoxu keyfiyyətsiz materiallardan və texnologiyalardan istifadə edilməklə tikilib.

Fevralın 26-na olan məlumata görə, Türkiyədə zəlzələlər nəticəsində 44 374 nəfər ölüb.

Poliqon.info