Trampa dördüncü cinayət işi üzrə ittiham irəli sürülüb - Seçkiyə müdaxilə...

Böyük münsiflər heyəti Trampınsəsvermədən sonra seçkinin nəticələrinə təsir etmək cəhdində əli ola biləcəyini hesab edir.

Poliqon xəbər verir ki, bu, sabiq prezidentə qarşı açılan dördüncü cinayət işidir.

Associated Press Agentliyinin məlumatına görə iş üzrə digər təqsirləndirilən şəxslər Ağ Evin keçmiş aparat rəhbəri Mark Meadouz, Donald Trampın şəxsi vəkili Rudolf Culiani və Ədliyyə Departamentinin rəsmisi Cefri Klarkdır. Növbəti ittihamların səbəbi 2021-ci ilin yanvarında telefon danışığı olub və bu zaman Tramp Corciyanın Respublikaçı dövlət katibinə “11 780 səs tapmağa” kömək etməyi təklif edib.

Xatırladaq ki, Trampa qarşı daha üç cinayət işi araşdırılır. Belə ki, o, ABŞ-ı aldatmaq üçün sui-qəsddə və 2021-ci ilin yanvarında Kapitoliyə hücumla bağlı daha üç maddə üzrə ittiham olunur. Bundan əvvəl Nyu-York məhkəməsində o, 2016-cı ildə pornoqrafik aktrisa Stormi Danielsə susmaq üçün pul ödənilməsinə dair maliyyə hesabatlarını saxtalaşdırmaqda ittiham olunur. Siyasətçi Floridadakı Mar-a-Laqo iqamətgahında tapılan məxfi sənədlərlə səhlənkarlıqla davranmaqda da şübhəli bilinir.

Poliqon.info