Tramp Ramasvamini vitse-prezidentliyə namizədlər siyahısından çıxarıb

Poliqon xəbər verir ki, bu barədə Bloomberg Agentliyi mənbələrə istinadən məlumat yayıb. Mənbələrin sözlərinə görə, ABŞ-ın keçmiş prezidenti öz qərarı ilə bağlı Ramasvamiyə şəxsən məlumat verib.

İddia olunur ki, Tramp qalib gələrsə, Respublikaçılar Partiyasından Milli Təhlükəsizlik Naziri vəzifəsinə Ramasvaminin namizədliyi nəzərdən keçirilir. Keçmiş prezidentin müttəfiqlərindən bəziləri onu ideal namizəd kimi görürlər, çünki Vivek Ramasvaminin “ictimai nitqdə üstün olduğuna və bir immiqrantın oğlu kimi geniş miqrasiya məhdudiyyətləri ilə bağlı tənqidləri neytrallaşdıra biləcəyinə” inanırlar.

Xatırladaq ki, 2016-cı ildə Meksika ilə sərhəddə divarın tikintisi Donald Trampın seçki proqramının əsas məqamlarından biri idi.

Qeyd edək ki, yanvar ayında Ramasvami prezidentlik yarışından çıxdı və Trampı dəstəklədi. Amerikanın ştatlarında keçirilən ilkin seçkilərin nəticələrinə görə, Donald Tramp və Ağ Evin hazırkı rəhbəri Co Bayden partiyalarının qurultaylarında namizədlik üçün lazım olan səsləri toplayıblar.

Donald Tramp artıq xəbərdarlıq edib ki, onun seçki kampaniyasını pozmaq cəhdləri Amerika üçün “qanlı qırğına” çevrilə bilər.

Poliqon.info