Qazaxıstan prezidenti Tokayev bildirib ki, BMT Təhlükəsizlik Şurasında islahatlar aparılmalıdır...
Poliqon TASS Agentlinə istinadən xəbər verir ki, bu barədə Qasım-Jomart Tokayev Astana Beynəlxalq Forumunun plenar iclasında danışıb. Qazaxıstan prezidenti qeyd edib ki, BMT hələ də hamını bir araya gətirən yeganə qlobal təşkilatdır.
“Biz Birləşmiş Millətlər Təşkilatının yaradılmasından bəri qurulmuş dünya nizamının əsaslarının sarsıdılmasının şahidi oluruq”, deyə Tokayev çıxışında vurğulayıb. O, əlavə edib ki, BMT Təhlükəsizlik Şurasının hərtərəfli islahatı olmadan bugünkü çağırışların öhdəsindən gəlmək mümkün deyil.
Qeyd edək ki, Birləşmiş Millətlər Təşkilatının Təhlükəsizlik Şurası təşkilatın nizamnaməsinin 24-cü maddəsinə uyğun olaraq, beynəlxalq sülhün və təhlükəsizliyin qorunması üçün əsas məsuliyyət daşıyan daimi orqanıdır.
Poliqon.info