İran Ukrayna ilə müharibə üçün Rusiyaya ballistik raketlər vermək istəyir...
İran Ukraynaya qarşı müharibə üçün “yer-yer” tipli ballistik raketləri Rusiyaya ötürməyi planlaşdırır. Bu, ABŞ-ın müttəfiq dövlətlərindən birinin kəşfiyyatının gəldiyi nəticədir. Kəşfiyyatçılar artıq ABŞ və Ukraynanı məlumatlandırıblar.
APA xəbər verir ki, bu barədə “Washington Post“-a iki amerikalı məmur məlumat verib.
Qeyd olunur ki, artıq zavodlarda “Fateh-110” və “Zolfahar” raketlərinin ilk partiyası hazırlanır.
Bu qısa mənzilli ballistik raketlər müvafiq olaraq 300 və 700 km məsafədəki hədəfləri vura bilir.
Nəşrin məlumatına görə, İran Yaxın Şərqdə qısa və orta mənzilli raketlərin ən böyük və ən müxtəlif arsenallarından birinə malikdir.
“Fateh-110 və Zolfahar-ın ən yeni versiyaları həm güclü, həm də nisbətən qısa məsafələrdə kifayət qədər dəqiq hesab olunur. Bəzi modellər raket operatorlarına hədəfə son yaxınlaşma zamanı onlara rəhbərlik etməyə imkan verən elektro-optik yönləndirmə sistemləri ilə təchiz edilib” - qəzet yazır.
pia.az