The Guardian: Paşinyan dörd kəndin Azərbaycana verilməsini müdafiə edir...

Dörd kəndi Azərbaycana təhvil vermək qərarına qarşı dörd gündür davam edən etirazlarla üzləşən Ermənistanın baş naziri Nikol Paşinyan erməniləri məsələnin necə həll olunacağının qonşuları ilə gələcək sülh prosesinin həyat qabiliyyətini müəyyən edəcəyini başa düşməyə çağırıb.

Poliqon xəbər verir ki, bu barədə Britaniyanın The Guardian nəşri yazır. Qeyd edək ki, dünən Ermənistan lideri Britaniya nəşrlərinə müsahibə verib.

2018-ci ildə Ermənistanın məxməri inqilabının lideri britaniyalı jurnalistlərə müsahibəsində bildirib ki, Ermənistan və Azərbaycan hökumətləri “nəzəri sülh gündəmini əsl sülh reallığına çevirməlidirlər”.

The Guardian qeyd edir ki, İki ölkə 1990-cı illərdən bəri münaqişədədir. 2023-cü ilin sentyabrında ildırım əməliyyatla Azərbaycan etnik ermənilərin hakimiyyəti altında olan Dağlıq Qarabağ bölgəsi üzərində nəzarəti bərqərar edbi. Bu dramatik hadisələrin ardınca iki tərəf arasında münasibətləri sabitləşdirmək üçün sülh sazişi üzrə danışıqların sürətləndirilməsi baş verib.

Nəşr qeyd edir ki, iki ölkə arasında daha geniş sərhəd razılaşması ərəfəsində həyata keçirilən kənd sövdələşməsi beynəlxalq diplomatlar tərəfindən əlamətdar məqam kimi qiymətləndirilib, lakin Paşinyan xalqının birtərəfli və əsassız hesab etdiyi şeyləri həddən artıq çox göstərsə, daxildə xalqın dəstəyini itirmək riski ilə üz-üzıdir.

Paşinyanın köməkçiləri etiraf edirlər ki, sərhəd mübahisəsinin bütün Qafqazda Rusiya, İran və Türkiyəni əhatə edən daha geniş münaaqişəyə çevrilməsi real ehtimalı var. Paşinyan yerli əhaliyə xəbərdarlıq edib ki, razılaşmanın alternativi müharibə ola bilər və o bilir ki, istənilən münaqişədə Ermənistan böyük silah çatışmazlığı ilə üzləşəcək.

Nəşr qeyd edir ki, Paşinyan Avropa və ABŞ-la ittifaqlar yaratmağa çalışır. O, bunu xarici əlaqələri və təhlükəsizlik tənzimləmələrini diversifikasiya etmək cəhdi adlandırır. Lakin onun yeni ittifaqlar qurarkən və Azərbaycanla sülh yolu ilə nizamlanmasına cəhd edərkən, əgər Azərbaycan uzun sürən sülh danışıqlarından imtina etsə, Ermənistanı qorumaq cəhdi, torpaqların işğalı lehinə uğursuzluğa düçar ola bilər. Paşinyanın sözlərinə görə, Azərbaycan onun ölkəsi üzərində 80%-20% nisbətində hərbi üstünlüyə malikdir.

Qəzet vurğulayır ki, Paşinyan Rusiyanın Azərbaycanın Ermənistana müdaxiləsinin qarşısını almaqdan dəfələrlə imtina edərək Kollektiv Təhlükəsizlik Müqaviləsi Təşkilatının (KTMT) regional təhlükəsizlik paktını mənasız hala gətirməsindən qəzəbləndiyini bildirib. Onun sözlərinə görə, Rusiya faktiki olaraq etiraf edib ki, KTMT-nin Ermənistanda “məsuliyyət zonası yoxdur”.

Nəşr əlavə edir ki, hazırda Ermənistan bu paktdakı üzvlüyünü dondurub. Paşinyan deyir ki, hər şey olduğu kimi davam edərsə, Ermənistanın KTMT-də iştirakının bərpası praktiki olaraq mümkünsüz olacaq.

Poliqon.info