Şirvanda Prokurorluq işçilərinin peşə bayramı qeyd olundu - Fotolar

Azərbaycan Respublikası Prokurorluğunun yaranmasının 104-cü ildönümü və 1 oktyabr-Prokurorluq işçilərinin peşə bayramı günü münasibətilə Şirvan Şəhər İcra Hakimiyyətinin və Şəhər Prokurorluğunun təşkilatçılığı ilə tədbir keçirilib.

Şirvan Şəhər İcra Hakimiyyətinin başçısı cənab İlqar Abbasov, hüquq-mühafizə orqanlarının rəhbərləri, Şəhər İcra Hakimiyyəti başçısının müavinləri, Şirvan Şəhər və Hacıqabul Rayon Prokurorluğunun əməkdaşları, veteranlar şəhərin mərkəzində Ulu Öndər Heydər Əliyevin abidəsini ziyarət edib, abidə önünə gül-çiçək dəstələri qoyaraq ehtiramlarını ifadə ediblər. Sonra Şəhər İcra Hakimiyyətinin iclas zalında tədbir davam edib. Şəhər İcra Hakimiyyətinin başçısı İlqar Abbasov  prokurorluq işçilərini peşə bayramı münasibətilə təbrik edib, onlara işlərində uğurlar arzulayıb.

Ümummilli lider Heydər Əliyevin səyləri ilə ötən əsrin 70-ci illərindən etibarən prokurorluq orqanlarının fəaliyyətinin təkmilləşdirildiyini, ədalət prinsipinin təmin olunduğunu bildirib. Azərbaycan Respublikasının Prezidenti cənab  İlham Əliyevin hakimiyyəti illərində Azərbaycan prokurorluğunun inkişafın növbəti mərhələsinə qədəm qoyduğunu vurğulayıb. Şirvan Şəhər Prokuroru Kamal Talıbov, Dövlət Təhlükəsizlik Xidmətinin Şirvan şəhər şöbəsinin rəisi Mehman Qasımov, Şirvan şəhər Polis şöbəsinin rəisi Fizuli Əhmədov çıxış edərək ölkəmizdə hüquqi dövlət quruculuğunda, insan hüquq və azadlıqlarının qorunmasında, cinayətkarlığa qarşı mübarizədə prokurorluq orqanlarının rolundan danışıblar.

Tədbirin sonunda Azərbaycan Respublikası Prokurorluğunun yaranmasının 104-cü ildönümü və Prokurorluq işçilərinin peşə bayramı günü  münasibətilə Şirvan Şəhər Prokuroru Kamal Hüseyn oğlu Talıbov, Şirvan Şəhər Prokurorluğunun müstəntiqi Sabir Azər oğlu  Hüseynli,  Şirvan Şəhər Prokurorluğunun böyük mütəxəssisi Qalina Rüstəm qızı Hüseynova Şəhər İcra Hakimiyyəti başçısının Fəxri fərmanları ilə təltif ediliblər. Prokurorluq orqanlarının veteran əməkdaşı, Şirvan şəhər sakini Kamran Ağaverdi oğlu Səmədova Azərbaycan Respublikasının Baş Prokuroru Kamran Əliyevin təbriknaməsi təqdim olunub.

pia.az