Si Tsinpin: Çin Belarusla strateji əməkdaşlığı gücləndirməyə hazırdır

Poliqon Belarusun BELTA dövlət agentliyinə istinadənxəbər verir ki, bunu Pekində Belarus prezidenti Aleksandr Lukaşenko ilə danışıqlar zamanı Çin sədri Si Tsinpin deyib.

“Mənim böyük dostum, sizi yenidən görməyə çox şadam. Sizin bu il fevralın sonu və martın əvvəlində Çinə dövlət səfəriniz çərçivəsində biz Çin-Belarus münasibətlərinin dinamik inkişafının xeyrinə mühüm razılaşmalar əldə etdik. Hər mərhələdə biz yeni razılaşmalar əldə edirik. İl ərzində siyasi qarşılıqlı etimad və beynəlxalq qarşılıqlı fəaliyyət möhkəmlənir. “Bir kəmər, bir yol” təşəbbüsü çərçivəsində əməkdaşlığın yeni nəticələri var”, deyə Çin lideri bildirib.

Çin Xalq Respublikasının Sədri bəyan edib ki, əgər 10 il əvvəl “Bir Kəmər və Yol Təşəbbüsü” konsepsiya idisə, indi onun çərçivəsində 140-dan çox ölkə və beynəlxalq təşkilat əməkdaşlığa qoşulub.

“Çin üçün sabitliyin və uzunmüddətli inkişafın qorunması çox vacibdir. Və bu işdə çox böyük uğurlar əldə etmişik. Müasir dünyada titanik dəyişikliklər baş verir, yeni risklər və çağırışlar meydana çıxır. Baş verənlərin çoxu bizim üçün gözlənilməz olur. Çin tərəfi belaruslu tərəfdaşları ilə birlikdə bəşəriyyət üçün ortaq gələcəyi olan Birlik yaratmaq naminə strateji əməkdaşlığı gücləndirməyə hazırdır”, deyə Çin lideri bildirib.

Poliqon.info