"Rabitəbank” ASC-də yeni təyinat olub...
PİA.az xəbər verir ki, Elşən Abdullayev Akif oğlu bankın Biznes Bankçılıq Departamentinin direktoru vəzifəsinə təyin edilib.
Ümumilikdə bank sahəsində 16 ildən artıq təcrübəyə malik olan A. Elşən, uzun illər "Accessbank”da müxtəlif vəzifələrdə çalışıb, 2014-cü ildən etibarən fərqli regionlarda filial müdiri kimi fəaliyyət göstərib.
2018-ci ildə "Bank Respublika” ASC-nin Sumqayıt filialının direktoru vəzifəsinə qəbul edilib, daha sonra 2021-ci ildə həmin filialın direktoru – KOS kreditləri üzrə regional direktor olaraq çalışıb. Elşən Abdullayev 2022-ci ildə "TuranBank” ASC-nin Biznes Bankçılıq Departamentinin direktoru vəzifəsinə təyin edilib.
Elşən Abdullayev Azərbaycan Dövlət İqtisad Universitetində (ADİU) Ümumi İqtisadiyyat sahəsində bakalavr təhsili alıb.
"Rabitəbank" ASC, Azərbaycanın 16 regionu və Bakı şəhərində 27 xidmət məntəqəsi və 74 ATM-i, "Rabita Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı Mərkəzi ilə müştərilərin xidmətindədir.
pia.az