Qətərin Baş naziri və xarici işlər naziri Məhəmməd bin Abderrahman Al Tani noyabrın 21-də Rusiya və Böyük Britaniyaya səfər etməyi planlaşdırır...
Poliqon xəbər verir ki, bu barədə Qətərin xarici İşlər Nazirliyinin sözçüsü Məcid əl-Ənsari bildirib. Səfər Qəzza zolağında müharibəyə son qoymaq səyləri ilə bağlıdır.
Əl-Ənsari Qətərin QNA xəbər agentliyinə bildirib ki, səfər “bir sıra xarici işlər nazirlərinin “müharibəyə dərhal son qoymaq naminə hərəkətə keçmək üçün” BMT Təhlükəsizlik Şurasının daimi üzvləri olan dövlətlərə rəsmi səfərləri çərçivəsində baş tutur. Baş nazir səfər zamanı həmçinin “davamlı və hərtərəfli sülhə nail olmaq üçün ciddi və real siyasi prosesin” başlanması və humanitar yardımın təmin edilməsi üçün “işğalçı hakimiyyətin qarşısını almaq və onların insanlığa qarşı cinayətlərini dayandırmaq” tədbirlərini müzakirə etməyi planlaşdırır.
Poliqon.info