İsrailin müdafiə naziri Yoav Qalant bildirib ki, ökəsi HƏMAS qruplaşmasını zərərsizləşdirmək və girovları azad etmək üçün lazım olan qədər vaxt sərf edəcək
Bu barədə “Report” “The Jerusalem Post”a istinadən xəbər verir.
"Biz bu vəzifələr üzərində işləyirik və hər ikisini yerinə yetirmək niyyətindəyəm. Bu, lazım olduğu qədər vaxt aparacaq, amma bu işləri görməyə borcluyuq", - o bildirib.
Bununla yanaşı, İsrail Müdafiə Ordusunun rəisi Herzi Halevi, bazar günü Cənub Hərbi Dairəsinin qərargahında dairə komandiri, general-mayor Yaron Finkelman, bölmə və briqada komandirləri ilə görüşdə daha çox döyüş planlarını təsdiqləyib.
Cənubi hərbi dairəsi İsrailin cənub hissəsinin, Qəzza zolağı, Misir və İordaniya ilə Cənub quru sərhədinin ərazi müdafiəsinə məsuldur. “The Times of Israel” bildirib ki, görüş Qəzza zolağının cənubundakı Rafahda ordunun gözlənilən əməliyyatı ərəfəsində baş tutub.
Bundan əvvəl İsrail komandanlığı ordunun HƏMAS qruplaşmasının 20 batalyonundan 24-nü sıradan çıxardığını və Rafahda qalanları məhv etməli olduğunu açıqlayıb. Eyni zamanda, təxminən 1,4 milyon fələstinli - anklav əhalisinin yarısından çoxu - hərbi əməliyyatlar səbəbiylə ölkənin şimal bölgələrini tərk etmək məcburiyyətində qaldıqdan sonra Rafaha sığınır.
Xatırladaq ki, 2023-cü ilin 7 oktyabrlnda HƏMAS qruplaşması İsrailə hücum edib. Buna cavab olaraq İsrail Qəzzada HƏMAS-a qarşı hərbi əməliyyata başlayıb.
Poliqon info
Digərxəbərlər
Populyar xəbərlər
