Polşa Belarusla sərhəddə bufer zonası tətbiq edib

Poliqon “RİA Novosti” Agentliyinə istinadən xəbər verir ki, bu barədə daxili işlər naziri Tomaş Siemonyak müvafiq əmr imzalayıb. Qərar cümə axşamı, iyunun 13-də qüvvəyə minib.

Bufer zonası sərhəd boyu 60 kilometrdən çox ərazini əhatə edir. Qeyd edilir ki, bu rejim Narevka, Belovejye, Dubiçi kilsəsi və Çeremşadakı sərhəd zastavalarının məsuliyyət zonalarında tətbiq edilib. Sərhəd zonasında icazəsiz mövcudluğa qoyulan qadağa 90 gün müddətində qüvvədə olacaq.

Daxili İşlər Nazirliyindən bildirilib ki, qadağa zonasının ərazisinə bir qayda olaraq, əhalinin məskunlaşdığı ərazilər və piyada marşrutları daxil deyil.

Poliqon.info