Rusiya prezidentinin mətbuat katibi Dmitri Peskov rusiyalı idmançıları dəstəklədiyinə görə Azərbaycana təşəkkür edib...
Poliqon xəbər verir ki, Rusiya prezidentinin mətbuat katibi Dmitri Peskov iyulun 10-da keçirdiyi brifinqdə bildirib ki, Rusiya idmanın siyasiləşdirilməsinin yolverilməzliyi ilə bağlı Azərbaycanın mövqeyini bölüşür.
“Biz Azərbaycan rəhbərliyinin bu mövqeyini yüksək qiymətləndirir, bunu bölüşürük. Biz dəfələrlə bildirmişik ki, idmanın siyasiləşdirilməsi yolverilməzdir”, deyə Peskov bildirib.
Xatırladaq ki, Bakıda keçirilən Qoşulmama Hərəkatının əlaqələndirmə bürosunun nazirlər iclası keçirilib və iclasda idmanın siyasətdən uzaq tutulması vurğulanıb. İclada qeyd olunub ki, 2024-cü ildə Parisdə keçiriləcək Olimpiadada siyasi səbəblər üzündən bəzi ölkələrin idmançılarının iştirak etməməsi yol verilməzdir.
Qeyd edək ki, Beynəlxalq Olimpiya Komitəsi də bu bəyanatı dəstəkləyib.
Poliqon.info