Roma Papası Fransisk Stokholmda “Quran”ın yandırılması kimi hərəkətlərdən iyrəndiyini bildirib...
Poliqon xarici mətbuata əsasən xəbər verir ki, Roma Papası bu barədə Birləşmiş Ərəb Əmirliyinin Əmirliyin “Al Ittihad” qəzetinə verdiyi açıqlamada bildirib. Fransisk qeyd edib ki, söz azadlığı başqalarını təhqir etmək üçün bəhanəyə çevrilməməlidir.
“Mən qəzəblənirəm və belə hərəkətlərdən iyrənirəm. Xalqların müqəddəs saydığı hər hansı kitaba və möminlərə hörmətlə yanaşılmalıdır. Söz azadlığı heç vaxt başqalarını təhqir etmək üçün bəhanə kimi istifadə edilməməlidir”, deyə Papa bildirib.
Qeyd edək ki, İraqdan olan 37 yaşlı mühacir Salvan Momika Stokholmun mərkəzindəki cümə məscidi yaxınlığında polisin icazəsi ilə “Quran” yandırmaq aksiyası keçirib. O, “Quran”dan vərəqləri cırıb, onlarla ayaqqabısını silib, kitabın içinə bekon qoyub yandırıb. Hakimiyyət hadisəni qanuni, lakin “uyğunsuz” elan edib.
İraq mühaciri “Quran”a hörmətsizlikdə ittiham etmək üçün onu ekstradisiya etməyi İsveçdən tələb edib. Bundan sonra Bağdadda etirazçılar İsveç səfirliyinə hücum ediblər.
Bütün müsəlman ölkələri hadisəni pisləyib.
Poliqon.info
Digərxəbərlər
Populyar xəbərlər
