Burkina-Fasonun mərkəzindəki Barsaloqu şəhərinə silahlıların hücumu nəticəsində azı 100 nəfər ölüb, 140 nəfər yaralanıb...
Poliqon xəbər verir ki, bu barədə RFI radiostansiyası Afrika ölkəsinin təhlükəsizlik qüvvələrinə istinadən məlumat yayıb. Məlumata görə, hücum avqustun 24-də baş verib. Şəhəri qorumaq üçün xəndək qazan bir qrup şəxs terrorçuların hücumuna məruz qalıb və işçilərə atəş açıılıb. Ölkənin təhlükəsizlik xidmətləri ölənlərin sayının hərbçilər və mülki şəxslər də daxil olmaqla 100-200 arasında olduğunu bildirir. Zərərçəkənlər ölkənin mərkəzi hissəsindəki Kaya şəhərindəki xəstəxanaya aparılıb.
Burkina Faso təhlükəsizlik xidmətinin məlumatına görə, hücum nəticəsində terrorçular səyyar xəstəxana və silah-sursat ələ keçirə biliblər.
Poliqon.info