ABŞ Rusiyanın Ukraynanın hücumuna cavab vermək üçün az sayda hərbi qüvvələrini Kursk bölgəsinə köçürməsinin əlamətlərini görüb...
Poliqon xəbər verir ki, bu barədə brifinq zamanı ABŞ Müdafiə Nazirliyinin mətbuat katibi general-mayor Pat Rayder bildirib.
"Mən deyərdim ki, ümumilikdə Rusiya cavab verməkdə çətinlik çəkir. Siz isə Ukraynada müəyyən uğurları görməkdə davam edirsiniz. Amma yenə də sizi Ukraynaya, onun əməliyyatları haqqında danışmağa, Rusiyaya isə öz qüvvələri haqqında danışmağa yönəldirirəm", deyə general-mayor bildirib.
Sözçü Kiyevin Vaşinqtondan silah sistemləri və digər yardımlar istəməsi sualına da cavab verməkdən imtina edib:
"Artıq qeyd etdiyim kimi, sentyabr ayında biz Ukrayna Müdafiə Əlaqə Qrupunu keçirəcəyik. Bu, həmişə müttəfiqlərimiz və tərəfdaşlarımızla görüşmək və Ukraynanın ən təcili müdafiə ehtiyaclarını müzakirə etmək imkanıdır".
Qeyd edək ki, Ukraynanın Rusiya ərazisinə hücumu avqustun 6-da başlayıb. Ukrayna ordusu rusları hazırlıqsız yaxalayıb və çox sayda əsgəri əsir götürməklə yanaşı, Kursk vilayətində mühüm irəliləyiş əldə edə biliblər.
Ötən gün prezident Ukrayna prezidenti Volodimir Zelenski Ukrayna ordusunun hazırda 1250 kvadrat kilometrdən çox Rusiya ərazisinə nəzarət etdiyini açıqlayıb. Ukraynanın hücumuna yalnız iki ölkə - Şimali Koreya və Suriya qarşı çıxıb.
Poliqon.info
Digərxəbərlər
Populyar xəbərlər
