Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi ötən həftə Avropa Parlamentinə keçirilən seçkilərin nəticələrini qarmaqarışıq adlandırıb...
Poliqon xəbər verir ki, Ağ Evin nümayəndəsi bu barədə jurnalistlər üçün onlayn brifinqdə bildirib.
“Nəticələr bəzi ölkələrdə birmənalı olmadığı üçün bütün Avropada qarışıqlıq yaradıb”, deyə Kirbi bildirib.
Ağ Ev rəsmisi qeyd edib ki, ABŞ hakimiyyəti Avropa Parlamentinin tərkibindən asılı olmayaraq, Avropadakı müttəfiqləri ilə əməkdaşlığı davam etdirəcək.
“Biz Avropa qitəsindəki müttəfiqlərimizə və tərəfdaşlarımıza hörmət edirik və tam əminik ki, Avropa Parlamentində kimin mandat qazanmasından asılı olmayaraq, biz Aİ ilə birgə işimizi davam etdirə bilərik”, deyə Kirbi vurğulayıb və əlavə edib ki, Bayden adminstrasiyası Avropa Komissiyasının sədri Ursula von der Leyen ilə əməkdaşlığı davam etdirməyi səbirsizliklə gözləyir.
Kirbi Fransa Milli Assambleyasının buraxılması və gələcəkdə keçiriləcək növbədənkənar seçkilərə də münasibət bildirib.
“Prezident kim olur-olsun, Fransanın demokratik yolla seçilmiş liderləri ilə işləyəcək”, deyə Kirbi qeyd edib.
Poliqon.info